مرحوم والد گرامی کے لیے

Poetry - سُخن ریزے , Snippets , / Monday, March 3rd, 2025

اُردو غزل

ولیوں کی صداؤں جیسا تھا
وہ انساں دعاؤں جیسا تھا

وہ تو ظرف تھا ایک سمندر کا
مرا دکھ دریاؤں جیسا تھا

جانا اس کا , خوشیاں روٹھی
وہ دھوپ میں چھاؤں جیسا تھا

دلکش دلکش اجلا اجلا
فرحت جاں ہواؤں جیسا تھا

غصہ اس کا بھی تھا میٹھا
وہ شافی دواؤں جیسا تھا

تیور ساجد شاہوں جیسے
غصہ بس۔ماؤں جیسا تھا

نواز ساجد نواز
حسوکے راوی
فیصل آباد