اہور (بیورو رپورٹ) معروف شاعر، ڈرامہ نویس و ادیب امجد اسلام امجد انتقال کر گئے۔ معروف ادبی شخصیت امجد اسلام امجد لاہور میں انتقال کر گئے ہیں۔امجد اسلام امجد کا انتقال دل کا دورہ پڑنے سے ہوا۔سیاسی و سماجی شخصیات کی جانب سے امجد اسلام امجد کے انتقال پر افسوس کا اظہار کیا جا رہا ہے اور ان کے بلند درجات کیلئے دعا بھی کی جا رہی ہے۔ انکی شاعری ہمیشہ دلوں پر راج کرے گی۔امجد اسلام امجد 4 اگست 1944 کو لاہور میں پیدا ہوئے تھے۔امجد اسلام امجد کا انتقال 78 برس کی عمر میں ہوا۔ امجد اسلام امجد کو 1987 میں تمغہ حسن کارکردگی سے نوازا گیا تھا۔ امجد اسلام امجد کو 1998 میں ستارہ امتیاز سے نوازا گیا تھا۔امجد اسلام امجد کو ڈرامہ سریل ’وارث‘ سے ملک گیر شہرت حاصل ہوئی تھی۔امجد اسلام امجد متعدد شعری مجموعوں کے خالق تھے۔ امجد اسلام امجد کی وفات روزنامہ ”رہبر کسان انٹرنیشنل“ لاہور کے دفتر میں تعزیتی اجلاس منعقد ہوا جس میں مرحوم کے لیے دعائے مغفرت اور لواحقین سے اظہار ہمدردی کیا گیا۔