“میرے ساہیں ساہ رَلاوِیں”

Poetry - سُخن ریزے , Snippets , / Wednesday, October 29th, 2025

rki.news

مینوں چَھڈ کے جاوَن والیا
تیری راہ تے بَیٹھا بیٹھا سوچ رہیا واں
تیرے باہجوں کِیکَن جیواں
تیرے پیار دا پَل پَل میرے ساہواں دے وچ گُجھیا اے
بھانویں دل وی تیرے ناں دیاں ہاواں دے وچ بُھجیا اے
تیرے عِشق اِچ رُجھیا اے

میرا چَین تے چیتا تُوں ایں
میرا بھول بُھلیکھا تُوں ایں
میرا تانا پیٹا تُوں ایں
حساب کتاب گویڑ تے لیکھے
گِن مِن سارے کَٹھے کِیتے
فِر میں جاتا
میرے کول تے تیریاں یاداں
میری عمر دے باقی ساہواں نالوں
ڈھیر ودھیریاں نیں
میرے لئی بتھیریاں نیں
جاوَن والیا
رب راکھا تے دُور بلائِیں
جے کر میری یاد آوِی تے
سَت بِسم اللہ، خَیر مناوِیں
نا پچتاوِیں نا شرماوِیں
دِل چاہوی تے مُڑ آجاوِیں
میرے ساہیں ساہ رَلاوِیں

سلیم کاوش
2 اگست 2025