نعت رسول مقبول صلی اللہ تعالیٰ

Poetry - سُخن ریزے , Snippets , / Sunday, November 16th, 2025

rki.news

بفضل خدا ابتداء کر رہا ہوں
میں ذِکر رسولِ خدا کر رہا ہوں

وہ ساقئ کوثر وہ شافعِ محشر
اُنھیں کا یہاں تذکرہ کر رہا ہوں

کھڑا ہو کے شہر مدینہ کی جانب
بیاں عظمت مصطفیٰ کر رہا ہوں

درود و سلام اور یہ نعتوں کا تحفہ
میں تیرے حوالے صبا کر رہا ہوں

ادب سے جھکا کر جبینِ محبت
میں مدح شہ انبیاء کر رہا ہوں

اندھیروں سے منصور کہہ دو نہ چھیڑیں
ابھی ذکر بدر الدجیٰ کر رہا ہوں

منصور اعظمی دوحہ قطر