نعت رسول مقبول صلی اللہ علیہ وسلم

Poetry - سُخن ریزے , Snippets , / Monday, November 17th, 2025

rki.news

ہم نے جہاں بھی مدحت سرکار پڑھی ہے
وہ بسٹی سدا نور سے معمور رہی ہے

خُوش بو سے معطر ہے مرے دل کا مدینہ
نعت شہ ابرار کی جو بزم سجی ہے

سرکار دوعالم کی خبر آنے کی سن کر
پر نورِ ضیاء بار مدينے کی گلی ہے

ہم ایسے محافل کے ہیں دیوانے جہاں پر
مدح شہ ابرار سدا ہوتی رہی ہے

اے کاش مری عُمر گزر جائے وہاں پر
چادر جہاں رحمت کی فضاوں میں تنی ہے

صحرا میں جو رہتے ہیں کہاں چھاؤ میسر
منصور ہمیں دھوپ وراثت میں ملی ہے

منصور اعظمی دوحہ قطر