نعت شریف۔۔۔ صلی اللہ علیہ وسلم۔۔۔

Poetry - سُخن ریزے , Snippets , / Thursday, March 13th, 2025

پھیلا نبی کے دم سے یہاں نورِ کاٸنات
ان کے ہی فیض سے ہے رواں نورِ کائنات

نازل ہوئی جو ساری بھلائی جہان میں
یوں بن گیا تمام جہاں نورِ کائنات

ڈوبی یہ کائنات خدا کے ہی نور میں
تخلیق کارِ کون و مکاں نورِ کائنات

تعلیم سے نبی کی منوّر ہوا جہاں
نورِ نبی جہاں ہے وہاں نورِ کائنات

برسا زمین والوں پہ اللہ کا کرم
کرتا ہے اہتمامِ زماں نورِ کائنات

رحمت میں ڈوبی زیست مری ساری اس قدر
دیکھا ثمر نے خود میں رواں نورِ کائنات

ثمرین ندیم ثمر
دوحہ قطر
مارچ 2025