ٹیٹا گڑھ شائقینِ ادب کی ادبی و تعزیتی نشست بیاد الحاج محمد مستیم(مرحوم)

Events - تقریبات , Snippets , / Thursday, April 24th, 2025

rki.news

ٹیٹا گڑھ شائقینِ ادب کی چھٹی ادبی نشست نیز تعزیتی نشست برائے الحاج محمد مستیم (مرحوم) بتاریخ 20/ اپریل 2025 بروز اتوار بعد نماز مغرب ادارے کے سرپرست محترم جنیف غازی کے دولت کدے پر( نزد سونار بنگلہ) انعقاد پذیر ہوئی۔ مخصوص نشست کی صدارت بین الاقوامی سطح پر مقبول و معروف افسانہ نگار ڈاکٹر عظیم اللہ ہاشمی نے کی اور نظامت معروف افسانہ و ڈرامہ نگار اصرار خان نے خوب کی۔ ادارے کے سکریٹری اسلم ٹیٹاگڑھی نے اپنے کلام سے سماں باندھا پھر نقیب نشست اصرار خان نے اپنی نثری و منظوم تخلیقات سے بزم کو عروج عطا کیا۔ کہنہ مشق شاعر روشن ضمیر نے عمدہ تخلیق پیش کی اور داد و تحسین سے نوازے گئے۔ ادارے کے صدر محترم عاقب ٹیٹاگڑھی نے اپنے غزلیہ کلام سے نشست میں چار چاند لگایا‌۔ ڈاکٹر سبیر مکھرجی نے بھی اظہارِ خیال کیا۔ امیتی یونیورسیٹی کے پروفیسر ڈاکٹر رشی کیش تیواری نے اپنے تاثرات و نیک خواہشات کا خوب مستحسن اظہار کیا۔ جناب میم عین لاڈلہ نے اپنی تخلیقات سے اپنی موجودگی کو ثابت کیا۔ راقم الحروف منظر اسلام نے بھی اپنے حمدیہ اشعار و مناجات پیش کیا اور دعاوں کا مطلوب ہوا۔ صدرِ محفل ڈاکٹر عظیم اللہ ہاشمی نے محفل میں پیش کیے گئے افسانے و تخلیقات پر اپنے خیالات کا اظہار کیا۔ خصوصی طور پر افسانے کے فن پارے اور اس کے مثبت و منفی پہلوؤں پر سیر حاصل گفتگو کی۔ ڈاکٹر صاحب کے صدارتی خطبے کے بعد مخصوص ادبی نشست اپنے انجام تک پہنچی۔ سامعین میں میزبان غازی جنیف انصاری، جناب مرتضیٰ ماسٹر اور عزیزم خورشید تابش نے شرکاء و مہمانان کی دل کھول کر حوصلہ افزائی کی اور پروگرام کو کامیاب بنانے میں کلیدی کردار ادا کیا۔
رپورٹ : منظر اسلام