پنجابی غزل

Poetry - سُخن ریزے , Snippets , / Wednesday, March 5th, 2025

مینوں ویکھ کے اوہنے بوہا ڈھویا سی
ایڈا کیہڑا ظلم وی کیتا ہویا سی

اوہدا نظر نا آنا مرنوں گھٹ نہیں
اندروں اندریں میں وی مویا ہویا سی

اوہدے عشق نے مینوں رج پاگل کیتا
میں وی۔ وچ وچھوڑے وچ رج رویا سی

اوہدے حسن نے ایسا جادو کیتا سی
اوہدیاں یاداں دے وچ میں وی کھویا سی

کیتا زخم وی سجن دل نوں خنجر نال
اپنے ہنجواں دے نال منہ وی دھویا سی

راتاں دے جگراتے تینوں کیہ دساں
تیرے خاب لئی میں ساجد سویا سی

نواز ساجد نواز
سیکرٹری نشرو اشاعت
پاکستان رائٹرز گلڈ
فیصل آباد