چوہدری محمد الیاس اور میاں محمد منیر کی جانب سے لال قلعہ ریسٹورنٹ میں یوم پاکستان منایا گیا

مان مسقط
سجاد احمد شیخ بیورو چیف

– عمان میں مقیم پاکستانی کمیونٹی نے 22 مارچ کی شب لال قلعہ ریسٹورنٹ میں جوش و خروش اور یکجہتی کے ساتھ یوم پاکستان منایا۔ یہ اپنی نوعیت کا پہلا پروگرام تھا، جسے معروف پاکستانی کاروباری شخصیت چوہدری الیاس نے منعقد کیا، اور کمیونٹی کی جانب سے بھرپور پذیرائی ملی۔
تقریب میں بڑی تعداد میں ممتاز پاکستانی تارکین وطن نے شرکت کی، جن میں پاکستان ککمیونٹی کے شیخ سید فیاض علی شاہ مہمان اعزازی تھے

چوہدری عباس سمیت کمیوںٹی ممبران کی شرکت
۔ اس موقع پر پاکستانی سفارت خانے کے افسران بھی موجود تھے۔ تقریب کے مہمانِ خصوصی عمان میں پاکستان کے سفیر سید نوید صفدر بخاری تھے، جنہوں نے کمیونٹی میں اتحاد اور یکجہتی کی اہمیت پر زور دیا۔
اپنے خطاب میں سفیر پاکستان نے یوم پاکستان کی اہمیت کو اجاگر کرتے ہوئے 23 مارچ 1940 کی تاریخی قرارداد لاہور کا ذکر کیا، جس کی بنیاد پر قیام پاکستان ممکن ہوا۔ انہوں نے عمان میں مقیم پاکستانی برادری کی خدمات کو سراہا اور کہا کہ وہ نہ صرف اپنے وطن بلکہ میزبان ملک کے لیے بھی قیمتی خدمات انجام دے رہے ہیں۔ انہوں نے کہا، “یوم پاکستان ہمیں ہماری مشترکہ کوششوں، قربانیوں اور ایک خوشحال ملک بنانے کے عزم کی یاد دلاتا ہے۔ آئیے ہم اتحاد، بھائی چارے اور ترقی کے سفر کو جاری رکھیں۔”
تقریب کے دوران قومی نغمے گائے گئے، جس سے حب الوطنی کا جذبہ مزید پروان چڑھا۔ رات 12:00 بجے یوم پاکستان کی مناسبت سے ایک شاندار کیک کاٹنے کی تقریب بھی منعقد کی گئی، جو پاکستان کے لیے پاکستانیوں کی غیر متزلزل محبت کی علامت تھی۔

تقریب اس عزم کے ساتھ اختتام پذیر ہوئی کہ پاکستانی کمیونٹی پاکستان کی اقدار کو بلند رکھنے اور ملک کی ترقی و خوشحالی کے لیے کام کرتی رہے گی۔