کشمیر سے یکجہتی کیلئے ایم این ایس میں یوم سیاہ

Green Pakistan - گرین پاکستان , Snippets , / Monday, October 27th, 2025

rki.news

ایم این ایس زرعی یونیورسٹی ملتان
پریس ریلیز 27اکتوبر 2025
ملتان۔ایم این ایس زرعی یونیورسٹی میں کشمیر سے یکجہتی کا اظہار کرنے کے لیے یوم سیاہ منایا گیا۔ وائس چانسلر پروفیسر ڈاکٹر آصف علی (تمغہ امتیا) نے فیکلٹی اور طلبہ و طالبات کے ہمراہ واک کی۔رئیس جامعہ نے خطاب کرتے ہوئے کہا کہ کشمیر پاکستان کی شہ رگ ہے اور پاکستان کشمیریوں کو کسی صورت تنہا نہیں چھوڑے گا۔ انہوں نے کہا کہ اس دن 27 اکتوبر 1947کو قابض بھارتی فوج نے بازور طاقت مقبوضہ کشمیر پر غیر قانونی تسلط قائم کیا تھا۔ کشمیر پر غاصبانہ قبضہ کے خلاف اپنے خون کی آبیاری سے جذبہ حریت کو جاری رکھے ہوئے ہیں انشااللہ ظلم کی سیاہ رات ضرور ختم ہو گی۔ انہوں نے کہاکہ ہم اس مشکل گھڑی میں اپنے کشمیری بہن بھائیوں کے ساتھ ہیں جن پر بھارت درد ناک ظلم ڈھا رہا ہے۔ کشمیر میں ہونے والے مظالم اور بربریت کا خاتمہ اور ان کے مسائل کا حل اقوام متحدہ کی قرار دادوں کے مطابق وقت کی اہم ضرورت ہے۔اس موقع پر پروفیسر ڈاکٹر مبشر مہدی ،ڈاکٹر عثمان جمشید ،ڈاکٹر اختر حمید ،ڈاکٹر محمد کاشف سمیت دیگر فیکلٹی اور طلباء نے شرکت کی۔
ریاض احمد ہراج
ترجمان زرعی یونیورسٹی ملتان