ہری پور (فخرالزمان سرحدی سے ) یونیورسٹی آف ہری پور کی طالبہ عروج خان نے ایم ایس ڈگری مکمل کر لی۔تفصیلات کے مطابق

Articles , Snippets , / Wednesday, October 29th, 2025

rki.news

عروج خان دختر رب نواز خان نے محنت اور جانفشانی سے یونیورسٹی آف ہری پور سےاپنے مقالے کے کامیاب دفاع سے ایم ایس کی ڈگری حاصل کر لی۔
تحقیقی مقالے کا موضوع: “گرافین آکسائیڈ سے معاون سہ دھاتی نینو ذرّات کی تیاری اور ان کی حیاتیاتی سرگرمیوں کا مطالعہ” تھا۔
یونیورسٹی آف ہری پور کے ڈیپارٹمنٹ آف کیمسٹری کی طالبہ عروج خان نے اپنے ایم ایس تحقیقی مقالے کا کامیابی سے دفاع کر لیا ہے۔ ان کے مقالے کا عنوان “گرافین آکسائیڈ سے معاون سہ دھاتی نینو ذرّات (Ag-Ni-Zn) کی تیاری اور ان کی جراثیم کُش، ضدِ تکسیدی اور خامرہ جاتی سرگرمیوں کا مطالعہ” ہے۔
یہ تحقیق صَدابہار کے پودے کے عرق کے ذریعے قدرتی اور ماحول دوست طریقے سے نینو ذرّات کی تیاری پر مبنی ہے۔ تیار شدہ سہ دھاتی نینو ذرّات کو گرافین آکسائیڈ پر سادہ امپریگنیشن طریقے سے جمایا گیا۔
نتائج سے ظاہر ہوا کہ تیار شدہ نینو ذرّات میں ضدِ جراثیم، ضدِ تکسید اور خامرہ روکنے کی نمایاں خصوصیات پائی گئیں۔
تحقیقی کام کی نگرانی ڈاکٹر مظفر اقبال نے کی، جنہوں نے تحقیق کے ہر مرحلے میں بہترین رہنمائی اور مدد فراہم کی.