یوم ِ عاشقاں۔۔۔۔۔۔ 14فروری

Poetry - سُخن ریزے , / Friday, February 14th, 2025

خدا کے یہاں اس کی بھاری سزا ہے
احمد وکیل علیمی
دوردرشن کولکاتا
ہے دوشیزگی آج خطرے میں ان کی
محبت سرایت ہے فطرت میں جن کی
دکانِ ہوس میں بِکے گی محبّت
محبّت اٹھائے گی کب تک یہ خِفّت
یہ یومِ محبت بہت غم فزا ہے
خدا کے یہاں اس کی بھاری سزا ہے
محبّت بنی شربتِ وصل اب تو
سبھی کچھ ہُوا عقد سے قبل اب تو
محافظ بنیں اپنی عصمت کی عورت
جو لُٹ جاتی ہیں ان سے لیں اب وہ عبرت
جو ہوتی ہیں بے راہ رو لڑکیاں سب
کھُلی رکھتی ہیں آنکھوں کی کھڑکیاں سب
سمجھ بنت حوّا کو بھی آئے مولا
ترا ڈر دِلوں میں سما جائے مولا