غزل

Poetry - سُخن ریزے , Snippets , / Wednesday, September 4th, 2024

 دولتِ علم  بانٹ کر دن رات
حوصلے بچوں کے بڑھاتے ہیں
ہم زمیں ہیں  مگر زمانے میں
کتنے  ہی  آسماں  بناتے   ہیں

  روشنائی قلم  سے جھاڑی  تو
لوگ   انصاف  کی  دلیل   بنے
ہاں ہماری ہی تربیت کے طفیل
جج  ، کلکٹر  بنے ،  وکیل  بنے

  ٹیچروں کے کہاں ہیں دن صاحب!
پھر  بھی  دنیا  یہ  دن  مناتی  ہے
گڑ  نہ دے  اور گڑ  سی  بات  کرے
یوں  ہی  رسم   وفا   نبھاتی   ہے

   داستان   الم    سنائیں    کیا
دم ہمارا جہاں میں گھٹتا ہے
قدر ہوتی ہے  اس گھڑی اپنی
جب  جنازہ   ہمارا   اٹھتا  ہے

نور اقبال (جگتدل)
مغربی بنگال
موبائل نمبر: 9239768229