غزل

Poetry - سُخن ریزے , Snippets , / Wednesday, October 9th, 2024

احسان کتنے آپ نے ہم کو جتا دیے
ہم نے معاملات خدا پہ اٹھا دیے

وہ مسکرا کے آنکھ ملا کر چلا گیا
نادان دل نے آس کے دیپک جلا لیے

ہم کو سلیقہ جینے کا آیا نہ آئے گا
بجھتے دیے جلائے ہیں ، جلتے بجھادیے

ہم تو گئے تھے مانگنے چندا سے چاندنی
دنیانے ہم کو دن میں ہی تارے دکھا دیے

پر کاٹ کے صیاد نے ،احسان یہ کیا
پنچھی تھےجتنے قید وہ سارے اڑا دیے
شاعرہ : فرزانہ صفدر ٹورنٹو