اردو غزل

Poetry - سُخن ریزے , Snippets , / Friday, October 25th, 2024

دل کو اب غم ہی راس ہے ساجد
اب یہ دولت ہی پاس ہے ساجد

اب کوئی ضد، مطالبہ ہی نہیں
دل حقیقت شناس ہے ساجد

کوئی تدبیر سوجھتی ہی نہیں
سلسلہء۔۔۔ ہراس ہے ساجد

گنگناہٹ سی ہے ہواؤں میں
تو کہیں آس پاس ہے ساجد

ساری دنیا اداس لگتی ہے
آج وہ پھر اداس ہے ساجد

ایک دریا سے بجھ نہ پائے گی
اک سمندر کی پیاس ہے ساجد

چاند ساجد ابھی نہیں دکھتا
اس سے ملنے کی آس ہے ساجد

نواز ساجد نواز
موضع حسوک