پنجابی غزل

Poetry - سُخن ریزے , Snippets , / Thursday, October 31st, 2024

سانوں کدی کتے پیار نال مل ڈھولنا۔
ساڈا تیرے باجھوں لگدا نئیں دل ڈھولنا۔

جہڑا مکھڑے تے بیٹھا پہریدار بن کے۔
سانوں ٹکن نئیں دیندا کتے تل ڈھولنا۔

تینوں ویکھنا واں جدوں کتے جی بھر کے۔
جاواں سجریاں پُھلاں وانگوں کھل ڈھولنا۔

ہویا نہ دیدار تیرا چارے بڑے کیتے نے۔
تھک گئے آں اسیں لا لا کے ٹل ڈھولنا ۔

ہتھ ہن آ جیویں جے میرے کتے ساجدا ۔
تینوں مالٹے دے وانگ دیاں چھل ڈھولنا۔

نواز ساجد نواز
موضع حسوکے
فیصل آباد