غزل

Poetry - سُخن ریزے , / Wednesday, January 1st, 2025

شام ڈھلنے لگی شبِ ہجراں
تیرگی بڑھ گئی شبِ ہجراں

ایک خواہش جو کہہ نہیں پائی
‘ ختم کر دو ، مری شبِ ہجراں ‘

اتنے خود غرض ہو گئے ہو تم
ہم سے یوں بے رخی شبِ ہجراں

تم تصور میں ہی جو آ جاؤ
ُمیری خوش قسمتی شبِ ہجراں

بات کرتے ہوئے رکی پہلے
پھر وہیں رو پڑی شبِ ہجراں

یوں بھلا روٹھتا ہے کیا کوئی
بات مانو مری شبِ ہجراں

سانس لوں گی نہ ان کے آنے تک
ضد ہے یہ آخری شبِ ہجراں

شاعرہ تمثیلہ لطیف