غزل

Poetry - سُخن ریزے , / Wednesday, January 15th, 2025

اپنے ماضی کے غم بُھلا بیٹھے
تم جو دل میں ہمارے آ بیٹھے

پھل نظر آئے ، ڈالی ڈالی پر
جب پرندے شجر پہ آ بیٹھے

عمر بھر ہاتھ اب نہ چھوڑیں گے
آپ کی ہم ، قسم جو کھا بیٹھے

اوڑھ کر ہم دھنک کے رنگوں کو
اپنے سر پر ردا سجا بیٹھے

مسکراتا ہے اس میں عکس اُن کا
جب بھی ہم ، لے کے آئنہ بیٹھے

ڈوب جانے کے خوف سے کچھ لوگ
نا خدا کو ، خدا بنا بیٹھے

تم پہ کس کو یقیں ہو تمثیلہ
کیوں قسم بے وفا کی کھا بیٹھے !

تمثیلہ لطیف