غزل

Poetry - سُخن ریزے , Snippets , / Wednesday, January 29th, 2025

عشق کے پیار کے محبت کے
ہم ہیں قائل اسی طریقت کے
چند باتوں پہ ہی نہیں موقوف
اور بھی ڈھنگ ہیں عبادت کے
کوئی بھی بے وفا نہیں ہوتا
سب وفا دار ہیں محبت کے
پھول پودے پرند موج ِ ہوا
سلسلے ہیں تیری ہی قدرت کے
بھوک افلاس قرض بے کاری
کارنامے ہیں سب حکومت کے
ہیں جو روئے زمیں پہ ایجادات
کشف کے ہیں نہ یہ کرامت کے
رفتہ رفتہ کھلیں گے سب صاحؔب
تم پہ سارے جہان حیرت کے

زین افغان صاحؔب
کراچی پاکستان