عید

Poetry - سُخن ریزے , Snippets , / Saturday, March 29th, 2025

rki.news

روزہ داروں کے لئے آئی ہے عید
رب کے پیاروں کے لئے آئی ہے عید

عید گاہوں پر دکھے جو سال میں
ان نظا روں کے لئے آئی ہے عید

رات میں رمضاں کی جو آئے نظر
ان ستاروں کے لئے آئی ہے عید

آ گئ رمضان کے جو ساتھ ساتھ
ان بہاروں کے لئے آئی ہے عید

رب نے رمضاں میں اتارے ہیں جو ان
تیس پاروں کے لئے آئی ہے عید

بو بکر عثماں عمر حضرت علی
چار یاروں کے لئے آئی ہے عید

بچے بوڑھے نو جوانوں کے طفیل
دنیا داروں کے لئے آئی ہے عید

بے سہارا ہو گئے دنیا میں جو
ان بے چاروں کے لئے آئی ہے عید

سیکڑوں لاکھوں نہیں ارشاؔد یہ
بے شماروں کے لئے آئی ہے عید

ارشاد عاطفؔ احمدآباد انڈیا