یکم مئی کے حوالے سے کلام۔۔۔۔(آرزو کا دیا)

Poetry - سُخن ریزے , Snippets , / Wednesday, April 30th, 2025

rki.news

خوب ہمّت ہے مزدور کی
کیسی طاقت ہے مزدور کی

پیش نرمی سے آو ذرا
سخت محنت ہے مزدور کی

کام دنیا کاچلتا نہیں
ایسی خدمت ہے مزدور کی

کام ہوجائے کوئی غلط
پھر تو شامت ہے مزدور کی

رات دن ایک کردے وہ پھر
یہ طبیعت ہے مزدور کی

سختی برداشت کرتا ہے وہ
یہی قسمت ہے مزدور کی

اے خدا ! تُو کرم اُس پر کر
ساری خدمت ہے مزدور کی۔۔

ثمرین ندیم ثمر
دوحہ قطر