نعت رسول مقبول صلی اللہ تعالیٰ

Poetry - سُخن ریزے , / Tuesday, July 1st, 2025

جب تصور میں دکھی وہ وادئ طیبہ مجھے
دل کی انکھوں میں نظر آیا در آقا مجھے

جب خیالوں میں مدینےکا سفر کرتی ہوں میں
خوبصورت دل نشیں لگتا ہے وہ صحرا مجھے

یوں ہوا محسوس بزم مصطفیٰ کا ہر بشر
سرور کونین کا لگتا ہے دِیوانہ مجھے

نعت لکھتی جا رہی ہوں میں نبی پاک کی
بوئے گل سے بھر گیا ایسا لگا کمرہ مجھے

شان رحمت دیکھئے میرے خدائے پاک کی
ایک قطرہ آب زمزم کا لگا دریا مجھے

مدحت شاہ اُمم شاہ مدینہ کے بغیر
قید خانہ سا نظر اتا ہے کاشانہ مجھے

آس کی دہلیز پر بیٹھی حلیمہ یاسمین
سوچتی ہوں کب بلائیں گے شہ والا مجھے

ڈاکٹر حلیمہ یاسمین بنت منصور اعظمی منکا ڈيہہ جین پور مؤ ناتھ بھنجن یو پی انڈیا