نئے پرانے زخم – استعمار اور نوآبادیاتی نظام

Articles , Snippets , / Monday, August 18th, 2025

rki.news

از: انور ظہیر رہبر، برلن جرمنی

نوآبادیاتی نظام اور استعمار کیا ہے ؟ کیا یہ عجائب گھروں اور تاریخ کی کتابوں کے لیے ہے؟ یقینی طور پر ایسا بھی ہے لیکن اس وقت یہ موضوع سیاسی طور پر انتہائی اہم ہے۔
نصف صدی سے زیادہ کا عرصہ گزر چکنے کے باوجود ایسا نہیں ہے کہ استعمار مکمل طور پر ختم ہو گیا ہو۔ ُ
تاریخ نے ہمیں استعمار کی کئی مختلف شکلیں دکھائی ہیں۔ 15ویں صدی کے آغاز کے ساتھ ہی، پرتگالیوں نے افریقی بحر اوقیانوس کے ساحل کے ساتھ تجارتی چوکیاں اور بندرگاہیں قائم کرنا شروع کیں، جنھیں فوجیوں اور قلعے بندیوں سے محفوظ بنایا گیا تھا۔ لیکن یہ پھر بھی ہالیندیزی تجارتی استعماری نظام سے ممتاز ہی رہا، جس نے بہت زیادہ وسیع پیمانے پر اندرون ملک میں اپنے پر کو پھیلایا۔ بعد میں استعمار یا قبضہ کرکے نو آبادیاتی نظام کے مختلف انداز دنیا میں دیکھنے کو ملے جس میں ہندوستان میں برطانوی استعمار، وسطی اور جنوبی امریکہ میں ہسپانوی استعمار، شمالی امریکہ میں برطانوی استعمار، اور شمالی افریقہ اور دیگر ممالک میں فرانسیسی استعمار۔
19ویں صدی کے دوسرے نصف میں، سامراجی استعمار کے دور میں، یورپ اور امریکہ کی سامراجی طاقتوں نے پہلے کے غیر نوآبادیاتی علاقوں کو دوبارہ تقسیم کیا۔ مقصد ان علاقوں کے حصول کے ذریعے قدرتی وسائل اور انسانی محنت کے استحصال کو بہتر طریقے سے منظم کرنا تھا۔ اس قدم نے ریاستی ڈھانچے اور سماجی تنظیم کی دوسری شکلوں کو بھی تباہ کر دیا جو پہلے ان خطوں میں موجود تھیں۔
نوآبادیات کی ان مختلف شکلوں میں جو چیز مشترک تھی وہ تھی وسیع خطوں کا پرتشدد تخصیص، وہاں موجود دولت، اور ان کے باشندوں کو محکوم بنانا۔
نوآبادیاتی معاشروں میں پانچ سو سالہ استعمار نے گہرے داغ چھوڑے ہیں۔ ان کی خود مختار ترقی کی بنیادیں تباہ ہوئی ہیں۔ اس نے ان معاشروں کے تمام پہلوؤں کو متاثر کیا جیسا کہ لوگوں کا ساتھ رہنا اور ساتھ کام کرنے کا طریقہ، سماجی تنظیمی ڈھانچے، تکنیکی ترقی، ثقافت اور تعلیم وغیرہ۔ امریکی زراعات اور معدنیاتی کانوں پر کام کرنے کے لیے لاکھوں افریقی غلاموں کی بحر اوقیانوس میں تجارت اور نقل و حمل نے نہ صرف ناقابل تصور انسانی مصائب پیدا کیے اور ساتھ ہی افریقہ میں محنت کشوں کا بے پناہ نقصان بھی کیا۔
جب کہ امریکہ میں مقامی آبادی بڑی حد تک (90%) ختم کردی گئی اور “نئے آباد کاروں” نے جو زیادہ تر یورپ سے آئے تھے،اٹھارویں اور اُنیسویں صدی کے اوائل میں ہی سیاست، معیشت اور ثقافت میں غالب مقام حاصل کرچکے تھےاور ایک طرح سے ملک کے اصل وارثوں سے رسماً آزادی حاصل کرلی تھی ۔ یہ سب کچھ ایک ایسے وقت میں ہوا جب افریقہ اور ایشیا کے بہت سے علاقوں کو پہلی بار یورپی ممالک اور ریاستہائے متحدہ نے نوآبادیات بنایا تھا۔
1791 میں ہیٹی میں غلاموں کی بغاوت سے شروع ہونے والے، تقریباً تمام نوآبادیاتی ممالک میں لوگوں نے آہستہ آہستہ خود کو آزاد کروایا۔ نمیبیا 100 سال سے زائد غیر ملکی حکمرانی کے بعد 1990 میں اپنی آزادی حاصل کر پایا ۔ مظلوم عوام نے قابضین کے خلاف شدید، حتیٰ کہ فوجی، مزاحمت کے ذریعے ہی نوآبادیاتی حکمرانی سے آزادی حاصل کی ۔ نو تشکیل شدہ ریاستوں نے عام طور پر نوآبادیات کے ذریعہ قائم کردہ سرحدوں کو برقرار رکھا۔
آج، فرانس، برطانیہ، نیدرلینڈز، اسپین، اور امریکہ اب بھی سابقہ کالونیوں کو اپنے علاقے میں شمار کرتے ہیں۔ اقوام متحدہ ان کو “غیر خود حکومتی علاقوں” (NSGTs) کے طور پردیکھتا ہے۔ یہ بنیادی طور پر فوجی چوکیوں کے طور پر کام کرتے ہیں۔ متعلقہ سابقہ نوآبادیاتی طاقتوں کے سمندر پار علاقوں کے طور پر نامزد علاقے بھی یہاں موجود ہیں، جہاں آبادی کو اکثر وہی حقوق حاصل ہوتے ہیں جو ان کے متعلقہ علاقوں میں آبادی کو حاصل ہوتے تھے۔ دو مقبوضہ علاقے ایک خاص صورتحال میں ہیں، جہاں ان کے باشندوں کو شہری حقوق سے محروم رکھا گیا ہے: مغربی صحرا، مراکش کے زیر قبضہ، اور 1967 کے بعد اسرائیل کے زیر قبضہ علاقے۔ دونوں خطوں میں، قابض طاقت قدرتی وسائل کو کنٹرول کرتی ہیں اور آباد کاری کو منظم کرتی ہیں تاکہ آبادی کو بتدریج بے دخل کیا جاتا رہے۔
سابقہ کالونیوں کی باضابطہ سیاسی آزادی کے بعد بھی ابتک مزدور کی نوآبادیاتی تقسیم برقرار ہے۔گلوبل ساؤتھ میں خام مال کا نکالنا اور شمال میں ان کی منافع بخش پروسیسنگ اور تکنیکی پیداوار اس کی ایک بہترین مثال ہے۔ صنعتی شمال میں کارپوریشنز، سرمایہ کاروں اور ریاستوں نے اپنی طاقت کا استعمال اپنی معیشتوں کو فائدہ پہنچانے کے لیے کر رکھا ہے، اسی طرح سابق کالونیوں کا معاشی اور سیاسی انحصار ابتک برقرار ہے ۔ وہ خود کو کم اضافی قیمت والی چند برآمدی اشیا تک محدود رکھنے پر مجبور ہیں اور اس وجہ سے وہ عالمی منڈی کی قیمتوں کے حوالے سے آسانی سے خطرے میں پڑ جاتے ہیں اور ان غیر متناسب تعلقات کی دیکھ بھال کو یہاں نیا نام دے کر نوآبادیاتی نظام کہا جارہا ہے۔
اگر نئی حکومتیں اپنی معاشی اور سیاسی ترقی کی راہوں پر گامزن ہونے کے لیے سابق نوآبادیات کے غالب موقف کی مخالفت شروع کرتی ہیں تو مطلوبہ تعلقات کو مستحکم کرنے کے لیے مختلف طریقوں سے اس مخالفت کا خاتمہ کیا جاتاہے۔ ان میں شامل ہیں:
براہ راست فوجی مداخلت، نوآبادیاتی علاقوں میں فوجیوں کو تعینات کرنا، بغاوتوں کو منظم کرنا اور ان کی حمایت کرنا، آمرانہ حکومتیں قائم کرنا یا انہیں برداشت کرنا، حکومتوں کا تختہ الٹنا عام افراتفری (ناکام ریاستوں)، رشوت خوری اور بدعنوانی کی دوسری شکلیں ۔
معاشی اور مالیاتی ذرائع کے ذریعے کنٹرول، اقتصادی بلیک میلنگ (مثلاً پابندیاں)، مقروض، اور اقتصادی اور سیاسی فیصلوں میں براہ راست مداخلت، یکطرفہ تجارتی معاہدے اور ٹیرف رکاوٹیں، زراعات اور کان کنی میں سرمایہ کاری کے ذریعے زمین پر قبضہ اس طرح ملکوں میں بہت کم اضافی قدر دیکھنے کو ملتا ہے اور یوں معیشت کا مکمل انحصار صرف ایک مضبوط عالمی مارکیٹ کی اچھی قیمتوں پر منحصر ہوجاتا ہے ۔ جیسا کہ آج کل یہی سب کچھ بڑی شدت سے دیکھنے کو مل رہا ہے ۔