غزل

Poetry - سُخن ریزے , Snippets , / Saturday, April 20th, 2024

مُجھ پر اَنا کے جُرم کی تعزِیر کیا لگی
دنیا نے میری مَوت کا سامان کر دیا

میں کیا ہوں؟یہ ہی سوچ رہا تھا کہ وقت نے
مُجھ کو غمِ حیات کا عُنوان کر دیا

ہستی ہے کیا، مجال ہے کیا ، خد و خال کیا
مجھ کو تو ایک لفظ نے انسان کر دیا

لازِم تھا کچھ ہو پیش سرِ بارگاہِ حُسن
اِک دل تھا میرے پاس وہی دان کر دیا

مُشکل تھا اس کے واسطے ترکِ تعلُّقات
میں نے نظر چُرا کے یہ آسان کر دیا

آؤ سناؤں ہِجر کا اِک مُعجزہ تمہیں
اِس نے تو ایک اَشک کو طُوفان کر دیا

اُس سے مِلا تو زندگی کچھ مُعتبَر لگی
وہ! جِس نے میرے عِشق کو اِیمان کر دیا

سلیم کاوش