تری یاد کے تارے (سانیٹ)

Poetry - سُخن ریزے , Snippets , / Sunday, May 12th, 2024

تری ہی یاد کے تارے چمکتے
مرے دن رات خوشبو سے مہکتے
کبھی شعلے محبت کے لہکتے
کبھی میں تو کبھی سارے چمکتے
تو آیا تو مجھے آیا سکوں تھا
ترے بن تھی ادھوری یہ محبت
مری سانسوں کو تیری تھی ضرورت
ترا ہی عشق تو میرا جنوں تھا
الگ ہم آج تنہا چل رہے ہیں
یہ رستے خوب ہم کو جانتے ہیں
یہ رہ تاریک ہے ہم مانتے ہیں
وفا کے دیپ سارے جل رہے ہیں
ملے گر روشنی کچھ زندگی کو
بہت ہے یہ ہماری عاشقی کو

نسیم اشک
جگتدل 24پرگنہ (شمال )مغربی بنگال