غزل

Poetry - سُخن ریزے , Snippets , / Friday, June 28th, 2024

ماتم کناں ہوں آپ کے اس تصفیے پہ میں
رکھا گیا ہوں دار کے ہر زاویے پہ میں

تمثیل میں تو میرا نا کردار تھا کوئی
مضمون سارا اس پہ تھا اور تجزئیے پہ میں

میری وجہ سے پایا ہے جس نے وجود ، اب
بین السطور ہے وہی اور حاشیے پہ میں

میں آ گیا ہوں چھوڑ کے رنگینئِ حیات
پاکر دوام ، پہنچا نہ خود تعزئیے پہ میں

چڑھ جائے دار پر جو عَنَق اس کا غم نہیں
ہو جاؤں گا امر جو رہوں مرثیے پہ میں

ریاض شاہد بحرین