غلام محمدصفی
کنوینر کل جماعتی حریت کانفرنس غلام محمد صفی نے غیرقانونی طورپر بھارت کے زیر قبضہ جموں وکشمیر کے علاقےکھٹوعہ میں مسجد کےگراۓ جانے اور بے حرمتی کے واقعے کی شدید الفاظ میں مذمت کی ہے اور کہا ہے کہ بھارت تجاوزات کی آڑ میں کشمیر کی ڈیموگرافی تبدیل کرنے جیسے گھناونے منصوبے پر عمل پیرا ھے۔ان کا کہنا تھا کہ حریت کانفرنس مسجد کو شہید کرنے کے عمل کو دین میں مداخلت سمجھتی ہے۔جس کو کسی صورت قبول نہیں کیا جاسکتا۔اور ہر انصاف پسند اس واقعہ کے خلاف احتجاج کرنے والے لوگوں پر قابل مذمت بہیمانہ تشدد کو مقبوضہ خطے میں بھارت کی کھلی ریاستی دہشت گردی سے ہی تعبیر کرے گا۔ انہوں نے کہا کہ قابض بھارتی افواج کا غیرانسانی طرز عمل ان کے اخلاقی دیوالیہ پن کا عکاس ہے، مقبوضہ خطے کے عوام کی مذہبی و ثقافتی شناختی کو نشانہ بنانا عالمی قانون اور بنیادی انسانی حقوق کی بھی کھلی خلاف ورزی ہے۔
انہوں نے بھارت کو یاد دلایا کہ طاقت کے بہیمانہ استعمال اورمذہبی مقامات کو نشانہ بناکر وہ کشمیریوں کے عزم کو کمزور نہیں کرپایا کیونکہ یہ منفی اقدامات ھمیشہ جذبوں کو مہمیز دینے کاسبب بنتے ہیں۔
*
شعبہ نشر و اشاعت کل جماعتی حریت کانفرنس آزاد کشمیر و پاکستان*
Leave a Reply