غزل

Poetry - سُخن ریزے , Snippets , / Friday, July 19th, 2024

محبت کا ہنر دکھلا رہی ہے
کسی کی یاد جو تڑپا رہی ہے

وہ کس کے پیار کی خوشبو ہے آخر
مجھے اندر سے جو مہکا رہی ہے

سہارا دے مجھے بانہوں کا اپنی
تری قربت مجھے بہکا رہی ہے

مجھے یہ دلنشیں یہ خواب دنیا
تری باتوں میں کیوں الجھا رہی ہے

مرے انجام کی مانگو دعائیں
محبت پر طبیعت آرہی ہے

ہوا ہے شازیہ کا اب وہ عالم
کہ وحشت بھی کرم فرما رہی ہے

شاعرہ شازیہ عالم شازی