سردی کی زد میں

Poetry - سُخن ریزے , / Thursday, January 9th, 2025

احمد وکیل علیمی
کانکی نارہ
لے چکی زد میں سب کو یہ سردی
کھائیں کثرت سے انڈے کی زردی
بعد میں اوڑھ لیں دھوپ کو ہم
دوپہر میں لیں پھر سوُپ کو ہم
مفت کی دھوپ ہے اک وٹامن
تندرستی کی ہے یہ بھی ضامن
غسل سے قبل ہو تیل مالش
تیل سرسوں کا لیکن ہو خالص
لطف آمیز سردی کا موسم
بھوُل جاؤں رضائی میں ہرغم
دوسرا رخ ہے سردی کا یہ بھی
جیتے ہیں جو بھی فٹ پاتھ پر جی
وہ بھی پیشِ نظر ہیں ہمارے
کتنے مجبور ہیں یہ بِچارے
زندگی میں نہیں ان کا ہی گھر
ان کا فٹ پاتھ ہی ہے مقدّر