غزل

Poetry - سُخن ریزے , Snippets , / Sunday, November 17th, 2024

جو لکھی ہے آنسوؤں سے ، تجھے وہ کتاب دوں گی
آنکھوں میں بسنے والے ، آنکھوں کے خواب دوں گی

تیرے غم کے سارے کانٹے ، پلکوں سے میں چنوں گی
اپنی خوشی کے سارے ، تجھ کو گلاب دوں گی

کاٹی ہے عمر ساری ، تونے کہاں اے غافل
پوچھے گا جب خدا تو ، کیا میں جواب دوں گی

مالک جو تو بلائے ، چوکھٹ پہ تیری آکے
کس کس نے ہے ستایا ، سارا حساب دوں گی

کہتی ہے یہ محبت ، فرزانہ سوچ لے تو
اب کے جو دل لگایا، میں خود عذاب دوں گی
شاعرہ : فرزانہ صفدر ۔ ٹورنٹو