غزل

Poetry - سُخن ریزے , Snippets , / Sunday, November 24th, 2024

اپنی دھن پر فلک سب کو نچاتا ہے
اپنی مرضی سے اس جا کون آتا ہے

کون اس کی کرے گا فکر تیرے بعد
بس اسی بات پر آنسو بہاتا ہے

اس کو حاصل نہیں اتنا بھی جتنا وہ
دھوپ میں زندگی کی خوں جلاتا ہے

شکر کیا چیز ہے ؟ نعمت کسے کہتے؟
بھول کر ، خود کو وہ خالق بتاتا ہے

حرمتِ لفظ ایسے ہے گھٹا دیتا
بات گہری وہ بہروں کو سناتا ہے

ہاتھ اپنے اٹھاتا ہوں دعا کو اور
آسماں روز مجھ کو آزماتا ہے

تم سبب جانتے ہو اشک بہنے کا
وہ تو پاگل ہے یونہی مسکراتا ہے

نسیم اشک
جگتدل ،24 پرگنہ (شمال) ،مغربی بنگال