غزل

Poetry - سُخن ریزے , Snippets , / Monday, August 4th, 2025

rki.news

لب پہ الفاظ صداقت کے شکم پر پتھر
ایسے انساں پہ چلا پھینکنے لشکر پتھر

خیر ہو امن کی یہ لوگ کہاں جاتے ہیں
کوئی ترشول اٹھائے کوئی خنجر پتھر

سب کے سب اُس کے پڑوسی تھے مگر قتل کے دن
کوئی وحشی نظر آیا کوئی پتھر پتھر

وہ نہ فرہاد نہ رانجھا نہ کوئی مجنوں تھا
پھر بھی پھینکے گئے اُس شخص پہ اکثر پتھر

صاحبِ فیل بھی نابود ہوا لشکر بھی
اِتنے برسائے ابابیل نے جم کر پتھر

سر سے شائد کہ اُتر جائے غریبی کا پہاڑ
ڈھوتا رہتا ہوں یہی سوچ کے دن بھر پتھر

اس کا سر خود بھی نہ محفوظ رہے گا منصور
سوچتا رہ گیا وہ ہاتھ میں لیکر پتھر

منصور اعظمی دوحہ قطر