غزل

Poetry - سُخن ریزے , / Sunday, November 2nd, 2025

rki.news

کربِ احساس کی ہر
لمحہ سزا میں کاٹوں
زندگی تیرے لئے شاخِ انا میں کاٹوں

آزمانا ہے سرِ بزم پریشاں کر کے
بوئے گل آ کہ تری بند قبا میں کاٹوں

بس یہی کام ہے دن رات تری فرقت میں
سر اٹھاتی ہوئی خوشیوں کا گلا میں کاٹوں

راہ گردابِ تمنا میں نکل آئے کہیں
رقص کرتے ہوئے پانی کا سرا میں کاٹوں

انتہا دیکھ مرے شوقِ جنوں کی اشہر
درد کی آری سے زخموں کا تنا میں کاٹوں

نوشاد اشہر اعظمی
بلریا گنج اعظم گڑھ