غزل

Poetry - سُخن ریزے , Snippets , / Tuesday, December 23rd, 2025

rki.news

پوری دنیا سے کچھ جدا ہے وہ
اور پھر آج کل خفا ہے وہ

ہاتھ آتا نہیں ستارے سا
کتنی دوری پہ جا بسا ہے وہ

جس کے ہونے سے سانس چلتی تھی
آج ہی شہر سے گیا ہے وہ

رات کی چاندنی کا چہرہ ہے
میری ہر صبح کی دعا ہے وہ

چھو کے گزرے جو میرے آنگن سے
ایسی خوشبو بھری ہوا ہے وہ

میری بنجر سی زندگانی میں
پہلی بارش کی التجا ہے وہ

آج کیوں چھوڑ کر زمانے کو
راہ انور کی دیکھتا ہے وہ

انور علی رانا…دوحا قطر