غزل

Poetry - سُخن ریزے , Snippets , / Wednesday, July 10th, 2024

یوں خیالوں میں آپ کا آنا
جھیل میں چاند کا اتر جانا

تم مری جاں ہو، دل ہو حسرت ہو
چھوڑ دو مجھ کو ایسے بہلانا

آپ کے وصل کا اشارہ ہے
مہکی زلفوں کا میری لہرانا

کیا ہے مقصد تمھاری چاہت کا
تم کبھی یہ مجھے بھی سمجھانا

دن گزرتے نہیں تمھارے بغیر
یاد کرتی ہوں تم کو روزانہ

تم جب آو تو پیار کے کنگن
اپنے ہاتھوں سے مجھ کو پہنانا

زندگی اک سوال ہے شازی
زندگی سے فریب مت کھانا
شازیہ۔ عالم۔ شازی