غزل

Poetry - سُخن ریزے , Snippets , / Sunday, August 11th, 2024

 جگہ دل میں بنا نہیں سکتے
تم کو پاکر بھی پا نہیں سکتے

چھوڑ جانے کا ہے ارادہ بھی
چھوڑ کر بھی تو جا نہیں سکتے

تم بچھڑ جاؤ گے سہولت سے
ہم یہ پتھر اٹھا نہیں سکتے

اپنا دکھ بھی بڑا عجب دکھ ہے
جس کو چاہیں بتا نہیں سکتے

ہم نے سب کچھ مٹا دا لیکن
نقش تیرے مٹا نہیں سکتے

آپ سے کس قدر محبت ہے
آپ ہی کو بتا نہیں سکتے

ایک ہلچل ہے اپنے سینے میں
جس کو شعروں میں لا نہیں سکتے
۔۔ راشد علی عادل ۔۔