پاکستان رائٹرز گلڈ کی پنجاب ایگزیکٹو باڈی کا اجلاس

Literature - جہانِ ادب , Snippets , / Wednesday, May 7th, 2025

rki.news

سعید آسی نے صدارت کی / وزیراعلی سے ملاقات کے حوالے سے تبادلہ خیال

لاہور ( پ۔ر) پاکستان رائٹرز گلڈ کی پنجاب ایگزیکٹو باڈی کا اجلاس “گلڈ ہاؤس” لاہور میں معروف شاعر، ادیب اور کالم نگار سعید آسی کی زیر صدارت منعقد ہوا۔اجلاس کا آغاز تلاوت کلام مجید سے کیا گیا اور یہ سعادت مرکزی ممبر مجلس عاملہ ڈاکٹر اخلاق حیدر آبادی نے حاصل کی۔ اجلاس میں پاکستان رائٹرز گلڈ کی ایگزیکٹو باڈی کے اراکین نے شرکت کی ۔وزیراعلی پنجاب مریم نواز سے گلڈ کے نمائندہ وفد کی ملاقات کے پروگرام کو حتمی شکل دی گئی ۔اجلاس میں پاکستان رائٹرز گلڈ کے مالی وسائل اور دیگر امور کا جائزہ لیا گیا۔اور گلڈ ہاؤس میں مشاعروں کے اہتمام اور ادبی سرگرمیاں بڑھانے کا فیصلہ کیا گیا ۔اجلاس میں رائٹر گل ٹسٹ کی مرکزی چیئر پرسن محترمہ فرح جاوید ،پاکستان رائٹرز گلڈ پنجاب کے سیکرٹری جنرل بیدار سرمدی ،ایگزیکٹو کونسل کے اراکین ڈاکٹر اخلاق حیدر آبادی،نذر بھنڈر ، امجد علی شاکر ،ڈاکٹر اظہار احمد گلزار ، محترمہ عظمیٰ کمال اور گلڈ کے آفس سیکرٹری ظفر اقبال نے شرکت کی۔ اور پاکستان رائٹرز گلڈ کو مزید فعال بنانے کے لیے تجاویز پیش کی گئیں ۔۔اجلاس میں ایگزیکٹ باڈی کی ممبر عظمی کمال کی والدہ محترمہ کی مغفرت کے لیے خصوصی دعا کی گئی ۔

رپورٹ : ڈاکٹر اظہار احمد گلزار
صوبائی ممبر مجلس عاملہ ، پاکستان رائٹرز گلڈ پنجاب