پنجاب میوزک گروپ انٹرنیشنل کے چیف آرگنائزر جناب نزاکت علی خان نے 25 دسمبر یوم قائداعظم کے حوالے سے عظیم الشان پروگرام

پنجاب میوزک گروپ انٹرنیشنل کے چیف آرگنائزر جناب نزاکت علی خان نے 25 دسمبر یوم قائداعظم کے حوالے سے عظیم الشان پروگرام ترتیب دیا۔ اس یوم کی خوشیوں کو دوبالا کرنے کے لئے اس بار یہ خصوصی سنگت سیالکوٹ سمبڑیال (Buraq Hall) میں سجائی گئی۔

پروگرام کے منتظم اعلی تھے جناب محمد شعیب سبحانی ناگی جو کہ ایک اعلی پایہ کے گلوکار بھی ہیں۔ پروگرام کو چار چاند لگانے فنکاروں میں سنگر ایس علی نظر، کراچی سے سنگر حنا آصف علی اور شازیہ عباس سنگر سر فہرست رہے۔ طبلہ نوازی کے فرائض استاد سجاد علی خان (مرحوم) کے صاحبزادے قاسم علی خان کے سپرد رہے جنہوں نے اپنے فن سے والد کا نام روشن کیا اور خوب داد سمیٹی۔

پروگرام کلام قائد سے شروع ہوا جو دھیرے دھیرے قومی و ملی نغمات کے ساتھ روح پرور موسیقی کی جانب گامزن رہا۔ تمام فنکاروں نے ہال میں موجود ناظرین کو بہترین فیملی انٹرٹینمنٹ کا سامان پیدا کیا۔

مہمان خصوصی اور پروگرام کی آن و شان کو بڑھانے دوحہ قطر سے خصوصی طور ملک ضیاء اللہ اور ملک ذکاءاللہ صاحب تشریف لائے۔جنہوں نے بعد ازاں تمام پرفارمرز کو شیلڈ اور کیش انعامات سے بھی نوازا۔ دیگر مہمانان تقریب میں جناب محمد منیر، سید مسعود علی شاہ، استاد شوکت لنگر، محمد علی پہلوان اور نعت خواں ماجد محمود صدیقی شامل تھے۔

پروگرام راحت و موسیقی رات گئے تک پھیلتا رہا اسی لئے ہائی ٹی کے ساتھ چائے کافی کا استعمال بھی تواتر سے جاری رہا۔ دسمبر کے اس سرد موسم میں گرما گرم شو کو کامیابی سے مکمل کرنے پر تمام حاضرین نے جناب نزاکت علی خان کا خصوصی شکریہ ادا کیا اور ایسی مزید محافل کو سجانے کا وعدہ بھی لیا۔ پی ایم جی ایسے ہی اپنے پلیٹ فارم سے لوگوں کو محظوظ کرتا رہے گا۔

پاکستان زندہ آباد
قائداعظم پائندہ باد