یومِ اساتذہ کے موقع پر

Poetry - سُخن ریزے , / Thursday, September 4th, 2025

rki.news

روشنائی قلم سے جھاڑی تو
لوگ انصاف کی دلیل بنے
ہاں ہماری ہی تربیت کے طفیل
جج ، کلکٹر بنے ، وکیل بنے

*************************
ٹیچروں کے کہاں ہیں دن صاحب!
پھر بھی دنیا یہ دن مناتی ہے
گڑ نہ دے اور گڑ سی بات کرے
یوں ہی رسم وفا نبھاتی ہے

*************************
داستان الم سنائیں کیا
دم ہمارا جہاں میں گھٹتا ہے
قدر ہوتی ہے اس گھڑی اپنی
جب جنازہ ہمارا اٹھتا ہے

نور اقبال (جگتدل)
مغربی بنگال