سلام

rki.news

یہ جو ذات حضرتِ شبیرؓ ہے
خواب ابراہیمؑ کی تعبیر ہے

جو غلام سید شبیرؓ ہے
ہر جہاں میں صاحبِ توقیر ہے

مرجع خلقِ خداﷻ ہے تا ابد
کربلا میں اک عجب تاثیر ہے

کیا مٹائے گا کوئی نام حسینؓ
خون سے لکھی ہوئی تحریر ہے

جس سے پاتے ہیں شفا اہلِ جہاں
کربلا کی خاک وہ اکثیر ہے

جو مٹانے آئے تھے خود مٹ گئے
میرے آقاﷺ کی عجب تدبیر ہے

روزِ محشر ہیں شفیع تیرے حسینؓ
کس لئے گلؔ تو یوں ہی دلگیر ہے

سباس گلؔ
رحیم یار خان
پاکستان