Sunday, August 9, 2026
☰
✕
PAGES
CATEGORIES
Advertisement
Advertisement
Poetry - سُخن ریزے

غزل

· January 15, 2025

اپنے ماضی کے غم بُھلا بیٹھے
تم جو دل میں ہمارے آ بیٹھے

پھل نظر آئے ، ڈالی ڈالی پر
جب پرندے شجر پہ آ بیٹھے

عمر بھر ہاتھ اب نہ چھوڑیں گے
آپ کی ہم ، قسم جو کھا بیٹھے

اوڑھ کر ہم دھنک کے رنگوں کو
اپنے سر پر ردا سجا بیٹھے

مسکراتا ہے اس میں عکس اُن کا
جب بھی ہم ، لے کے آئنہ بیٹھے

ڈوب جانے کے خوف سے کچھ لوگ
نا خدا کو ، خدا بنا بیٹھے

تم پہ کس کو یقیں ہو تمثیلہ
کیوں قسم بے وفا کی کھا بیٹھے !

تمثیلہ لطیف

new logo rki
ABOUT
Your World in Words — independent daily news across Qatar, Pakistan and the world.
READER SERVICES
© 2026 Daily Rahbar Kisan International. All Rights Reserved.