Sunday, August 9, 2026
☰
✕
PAGES
CATEGORIES
Advertisement
Advertisement
Poetry - سُخن ریزے

غزل

· January 23, 2025

چشمِ تر کو زبان کر بیٹھے
حال دل کا بیان کر بیٹھے

تم نے رسماً مجھے سلام کیا
لوگ کیا کیا گمان کر بیٹھے

جان اٹکی ہوئی ہے آنکھوں میں
دشمنِ جاں کو جان کر بیٹھے

آس کی شمع ٹمٹماتی رہی
ہم کہاں ہار مان کر بیٹھے

دل میں رکھ بیٹھے آرزوئے امن
روح کو بے امان کر بیٹھے

ایک پل کا یقین نہیں راغبؔ
اک صدی کا پلان کر بیٹھے

افتخار راغبؔ
ریاض، سعودی عرب
کتاب: لفظوں میں احساس

new logo rki
ABOUT
Your World in Words — independent daily news across Qatar, Pakistan and the world.
READER SERVICES
© 2026 Daily Rahbar Kisan International. All Rights Reserved.