Sunday, August 9, 2026
☰
✕
PAGES
CATEGORIES
Advertisement
Advertisement
Poetry - سُخن ریزے

غزل

· March 9, 2025
غزل

ہم چمن زارسے نکلے تو چبھن اوڑھ چلے
اب بھلا کیسے کوئ بن میں بدن اوڑھ چلے

ہم چلے وادی و صحرا سے بہت دور کہیں
اپنے پیروں میں جہانوں کی تھکن اوڑھ چلے

دست تقدیر نے گوندھا تھا جو مٹی کو مری
اب تلک اپنی جبیں پر وہ شکن اوڑھ چلے

متصل میر کے کوچے میں جو شب کاٹی تھی
حرف خامے سے جو نکلے تو سخن اوڑھ چلے

وہ جو اک راز کی صورت رہے دل مفتوں میں
خیمہ ذات سے نکلے تو کفن اوڑھ چلے

خلیل وجدان
تونسہ شریف

new logo rki
ABOUT
Your World in Words — independent daily news across Qatar, Pakistan and the world.
READER SERVICES
© 2026 Daily Rahbar Kisan International. All Rights Reserved.