غزل

rki.news

کہا ہے کس نے محبت میں جان لے لیجے
سزا سنانے سے پہلے بیان لے لیجے

ہماری راہ میں کس نے بچھا دیئے کانٹے
اسے نہ بخشیں گے آئیں زبان لے لیجے.

بس ایک پل میں کوئی تو فیصلہ کردیں
خطا بتائیں مری اور جان لے لیجے

وفا کے ساتھ گزاریں گے ہم یہاں ہر دن
زمین ہم کو ہی دیں آسمان لے لیجے

سکون ملتا ہے کچے مکان میں صاحب
حویلی چھوڑ کے کچا مکان لے لیجے

یقین آنے لگے گا جناب چاہت کا
” ہزار بار کہا امتحان لے لیجے “

وفا کی راہ میں محمود کو ہی پائیں گے
قسم بھی چاہیں اگر مہربان لے لیجے