غزل

Poetry - سُخن ریزے , Snippets , / Tuesday, August 26th, 2025

rki.news

ساری دنیا کا بے بہا پتھر
سنگ اسود حسین سا پتھر

وہ سراپاخلوص تھا لیکن
لے کے ہاتھوں میں آ گیا پتھر

موم کے مثل تھا مگر کیسے
دیکھتے دیکھتے بنا پتھر

میرا دل مجھ کو خود نہیں معلوم
نرم تھا کس طرح ہوا پتھر

پتھروں کے نگر میں کیا آیا
موم سا دل تھا ہو گیا پتھر

سارے ارمان ٹوٹ کر بکھرے
شیشہ دل پہ جب گرا پتھر

ایسے کُچھ لوگ بھی ہیں دنیا میں
ابتدا پھول انتہا پتھر

یوں تو سچ بولتا ہوں میں منصور
سب کو لگتا ہے طنز کا پتھر

منصور اعظمی دوحہ قطر