December 27, 2024
ڑا دن منائیں گے جب ہم بڑے ہوں
اکابر کے اطوار پر ہم کھڑے ہوں
عناد اور جلن اور حسد میں لِپٹے
عمل میں بھی ہم سب تو ہیں آج سِمٹے
سراپا تو ہر کوئی انساں لگے ہے
مگر ہم کو اندر سے حیواں لگے ہے
بنایا ہے مذہب کو ہم نے تماشہ
زماں کی ترقّی کو سمجھا اثاثہ
نہ دل صاف ہے نہ روادار ہیں وہ
کہ نفرت کے سارے طرفدار ہیں وہ
حصارِ تعصب میں اپنا وطن ہے
کہ چنگل میں صیّاد کے یہ چمن ہے
بڑا دن ہے ، انسان بھی جب بڑے ہوں
نہ ہنسا کی مورت کے چکنے گھڑے ہوں
رواداریاں ہوں تو ہر دن بڑا ہے
یہاں تو وہ حیوان بن کر کھڑا ہے
حکومت بھی منصف نہیں ہے وطن میں
اخوّت نہیں آج گنگ وجمن میں
محبّت کی قندیل روشن کریں ہم
دلوں کو بھی بس ایک درپن کریں ہم
دعا ہے اخوت کا ہر سو چلن ہو
کہ کل کی طرح آج اپنا وطن ہو
احمد وکیل علیمی
دوردرشن کولکاتا
At 'Your World in Words,' we share stories from all over the world to make friends, spread good news, and help everyone understand each other better.
© 2024
Rahbar International
